VELOMA - FANGIA KALO GASY
VELOMA - FANGIA KALO GASY
.
Mba mamiko ho'aho ka mamiko ny fodiana e!
Ny manina manko, 'zay no hany fanafody!
Fa na mety 'zay natao, na misy tsy fahampiana,
Mandainga 'zay tsy ho dodona rehefa hody!
.
Ny tara-masoandro iry efa an-drefarefa e!
Ny omby aza efa miakatra ho an-tanàna!
Mba satriko ny hitoetra sy hiaraka ho'aho kanefa
'ty tongotro maika hody toa tsy ho tana.
.
Toa tsinjoko an-dohako ato e
ry zandry manao tsoa-bato
fa efa avy tan-tsekoly
ka miala voly,
I Neny misorona afo
manomana ny sakafo
Ry zoky mantsaka rano
etsy avara-trano!
.
Hanainga aho ho'aho leiretsy ka hangata-dalana,
hapetrako ny veloma mahalankalana...
Ezahina ny any aoriana, halalaka ny fotoana
hahafahana mbola hiaraka ihany foana!
Dia veloma e! 'lay hafatra no fihino:
Veloma ary enga mba tsy hifanadino.
.
Tonony: Ny R. Fidimanantsoa / Feony: Fangia